18
MAY
2016

Actividades de Llingua

hector_braga_03
El pasáu 13 de mayu prestónos volver a contar cola presencia d’Hector Braga. Como yá ficiera n’ochobre d’esti cursu, tráxonos los sos Soníos d’Asturies, un taller de música tradicional qu’ufiertó a los alumnos de Llingua asturiana y Música. Amosó, esplicó y tocó dalgunos instrumentos como la cuerna, la xiblata, la carraca, les cuchares, la zanfona o la gaita asturiana, ente otros.
N’abril, los alumnos de terceru participaron nel taller Rabilando na rede col que conocieron dello de lo que n’Internet pue alcontrase pa trabayar, informase o pasalo bien n’asturianu: traductores, diccionarios, periódicos, xuegos…

Nesi mesmu mes d’abril celebráronse los XIII Alcuentos de la Mocedá cola Llingua nel Xardín Botánicu. Esti ye un día perguapu y especial pa tolos alumnos de Llingua asturiana. La visita pel Botánicu, pobláu d’estraños seres; los xuegos tradicionales y la música foron los ingredientes d’una xornada na que s’axuntó la xente mozo de Secundaria y Bachilleratu de los centros educativos de Xixón.

En mayu, pa celebrar el XXXVII Día de les Lletres Asturianes, fuimos al teatru de la Llaboral onde’l grupu Escena Apache representó La lloca historia d’Asturies: un repasu en tonu d’humor pelos acontecimientos y personaxes más destacaos de la nuestra historia dende la Prehistoria a un futuru añu 2061 nel  Centru Niemeyer.

Ana Elena Gargía Peláez, profesora de Llingua del IES Calderón

Escribe un comentario

*